රසිකොලොජියේ මෙතෙක් පළ වූ ලිපි ප්‍රවර්ග

අතිථිභීතිකාව (1) අතීතකාමය (164) අපේ මෝඩකම් (166) අමරදේව (2) අම්මා (9) ආගම් (41) ආච්චී (4) ආනන්ද විද්‍යාලය (2) ආසියානු තාක්‍ෂණික ආයතනය (3) ඉංගිලිසි ඉංගිරිසි ඉංග්‍රීසි ඉංග්ලිෂ් (9) ඉතිහාස කතා (5) ඕස්ට්‍රේලියාව (89) කවි (48) කළමනාකරණය (2) කාලෝ ෆොන්සේකා (1) කෑම බීම (8) කුණු කතා (6) කුණුහරුප (3) කෙටිකතා (5) කොල්වින් ආර් ද සිල්වා (1) කෞෂල්‍යා ප්‍රනාන්දු (1) ගංගොඩවිල සෝම (2) ගමේ කතා (28) ගීත (20) ඡන්දය (40) ජගත් ජේ. එදිරිසිංහ (6) ජංගම දුරකථන (14) ජාතිවාදය (14) ජැක්සන් ඇන්තනි (4) ජේ.වී.පී (18) ඩයස්පෝරා (19) තාත්තා (17) තිසර සමරසිංහ (1) දයා පතිරණ (5) දෙයියා (3) දෙවියෝ (7) දේශපාලනය (107) දේශප‍්‍රිය ලංකාපුත‍්‍ර (1) ධනංජය කරුණාරත්න (4) නක්‍ෂත්‍රය (3) නන්දා මාලනී (3) නන්දිකඩාල් (1) නවකතා (2) නවකවදය (1) නවසීලන්තය (2) නාට්‍යය (4) නෙළුම් යාය (2) පරකන්දෙණිය (3) පවුලේ තොරතුරු (2) පාන් (4) පුක (1) පුතා (2) පුහු විස්වාස (17) පෙම් ගී (4) පොත් (12) පොත්පත් (24) බණ (7) බයියෝ (20) බියර් (5) බ්ලොග් (18) බ්ලොග් වසන්තය (10) බ්ලොග් වසන්තය 2016 (29) බ්ලොග් වසන්තය 2017 (38) බ්ලොග් හේමන්තය (29) භාෂී මධුභාෂිණී (2) භික්‍ෂූන් (2) මගේ වෘත්තීය දිවිය (34) මගේ ශරීර සෞඛ්‍යය (21) මගේ ළමා දිවිය (39) මතිමතාන්තර (36) මනාප ඡන්ද ක්‍රමය (1) මරණය (10) මුවිඳු බිනෝයි (2) මෙල්බර්න් නගරය (8) මෝඩකම් (2) යුද්ධය (11) ලූෂන් බුලත්සිංහල (5) ලේඛකයෝ (11) වත් පොත (8) වයින් (3) වාසුදේව නානායක්කාර (3) වික්ටර් රත්නායක (5) විධායක ජනාධිපති ක්‍රමය (9) විශ්ව විද්‍යාල ජීවිතය (42) විස්කි (2) වෘත්තීය දිවිය (13) වේදිකා නාට්‍ය (8) ශිෂ්‍ය සටන් (6) සංක්‍රමණිකයෝ (41) සමන්ත විද්‍යාරත්න (2) සරත් මුත්තෙට්ටුවේගම (1) සරත් විජේසූරිය (2) සංවත්සර (11) සාහිත්‍ය මාසය (14) සාහිත්‍යය (5) සිඩ්නි නගරය (54) සිඩ්නි සිංහලයෝ (47) සිංහල භාෂාව (37) සිහිවටන (19) සුචරිත ගම්ලත් (4) සුනිල් ආරියරත්න (2) හිටං විහිළු (2) හිනා මනා (7) හෙන්රි වර්ණකුලසූරිය (7) හෝමෝෆෝබියාව (1) ෆෙස්බුක් (7)

Sunday, 15 April 2018

එසේ ම නොවේවා, වෙනත් විදියකට වේවා! - Dhananjaya Karunarathne's new year wish


ජනවාරි මුල් සතිය මෙන් ම, අප්‍රියෙල් මස මැද සතිය ද, "එසේම වේවා!" යන්න පට්ට පතුරු ගැසෙන යුගයකි. දිගු කලකට පෙර වෙනත් බ්ලොගයක ද ඒ ගැන ලිපියක් පළ වී තිබුණි.

http://kathandara.blogspot.com/2010/04/blog-post_14.html

මේ පිළිබඳව මගේ මෑත කාලීන ප්‍රතිචාරය වූයේ ඕනෑ එකක් වේවා යැයි පැවසීමයි.



එහි සෑබෑ ම අරුත, "ඕනෑ කෙහෙල්මලක් වේවා!" යන්නයි.

නාට්‍යවේදී ධනංජය කරුණාරත්න දැන් උදා වී ඇති එසේ ම වේවා සමය පිළිබඳව පහත ප්‍රතිචාරය දක්වා තිබෙනු මම ඊයේ ෆේස්බුක් අවකාශයේ දී දුටුවෙමි.



සම්මතයෙන් පිට පනිනවා තබා එසේ කිරීමට සිහිනයකින් හෝ නොසිතන අයට ඒ ප්‍රකාශය ඇස් ඇරවන්නක් වෙනු ඇත.

අරුංගෙන් නොලැබුණු දේ මුංගෙන් හෝ මුංගෙන් නොලැබුණු දේ අරුංගෙන් බලාපොරොත්තු වෙමින් අරුං වෙනුවට මුං පත්කර ගෙන හෝ මුං වෙනුවට අරුං පත්කරගෙන, අවසානයේ දී අරුංගෙන් ද, මුංගෙන් ද බැට කන මෝඩයින්වන අපට අනාගතයේ දී බලාපොරොත්තු විය හැකි හොඳම දේ නම් එසේ ම නොවී වෙනත් දෙයක් වේවා යන්න බව පැහැදිලි ය.

මෙලෙස කයිය ගැසුවාට මේ ලියන මා ද, බොහෝ විට හැසිරෙන්නේ සම්මත සීමා තුළ ය.

ඊයේ සිනුවර පැවති සූර්ය සැණකෙළිය හෙවත් සම්මත ආකාරයේ සිංහල අලුත් අවුරුදු උත්සවයේ දී සම්මත සැකිල්ලේ කවි රැගත් සම්මත ආකාරයේ කවි කොළයක් විකුණමින් මම ඒ බව මොනවට ප්‍රදර්ශනය කළෙමි.



හැම වසරකම බක් මස මස රැව් දෙවනා
ගම සිරිලක සුවඳ අප අතරට ගෙනෙනා
මෙම අවුරුදු උළෙල නැරඹීමට තුටිනා
මම පිළිගනිමි මෙහි ආ ඔබ සියලු දෙනා

අද මෙම "ප්‍රදර්ශන භූමිය" වෙත එක් වී
හොඳ එකමුතු කමින් බැඳි එක පවුලක් වී
ලද ඉඩ පරිදි අවුරුදු සිරිතෙන් පේ වී
සිඳ ආතති සියලු සැමසෙමු සන්සුන් වී

හොද්දට මිටි කිරක් තෙල් දමලා කන්න
සද්දෙට රතිඤ්ඤා කරලක් දල්වන්න
සවසට සයිකලෙන් පොඩි රවුමක් යන්න
ඇත්තට මට හිතෙනවා හෙට ගම යන්න

උපයන විට ගෙවන බදු බර අඩුවේවා
නිවසට ගත්තු මෝගේජය නිමවේවා
බැංකු ගිණුම් හැම හොඳ හැටි තරවේවා
ලැබු නව වසර සැමටම ජය අත්වේවා!

-රසිකොලොජිස්ට්

(image: Photo by Mark Newsham, 2017 for Merrigong Theatre Company. Thanks to Edie Watt.)